لأن فوائد غذاء ملكات النحل كثيرة في حياتنا الجنسية وعلي حياتنا وصحتنا بشكل عام فقرر موقع شكة دبوس كتابة هذا المقال عشان سعادتك هي أولي اولوياتنا.
{ وما من دابَّة في الأرض ولا طائر يطير بجناحيهِ إلا أمم أمثالكم } قرآن كريم.
ملكات النحل
تلك الأنثى كاملة التكوين التي فقدت غريزة الأمومة، وأصبحت وظيفتها الوحيدة هي وضع البيض، قد تضع في اليوم الواحد 1500 بيضة، ولا همَّ لها في الحياة إلا أن تزيد من عدد الطائفة، تتلقح وتبيض، بس كده، وفقدت غريزة أمومتها لأن هناك من تولى هذه المهمة نيابة عنها، ولا يكون في الخلية الواحدة إلا ملكة واحدة لا يقبل النحل بالتعدد، إلا فيما ندُر.
أما الذكور.. فـ دول قاعدين مبيعملوش حاجة حرفيا غير إنهم يلقحوا الملكة اللي فوق دي نفسك انت تشتغل ذكر نحل، صح
أما الشغَّالات العاملات هن من تولين مهمة الأمومة بكاملها، رعاية للبيض وتنظيفا لأرجل تلك الملكة، ويسرحولها شعرها بقى وميكب وباديكير ومانيكير وماسكرة وليلة سعاتك، يقمن بكل مهمة تتخيلها، وليس أعز علينا نحن معاشر البشر من هذا الدور العبقري الذي تقوم به صغار الشغالات.. وهو
إنتاج غذاء ملكات النحل
صغار العاملات بينتجوا مادة هلامية بيضاء اللون ذات مذاق حامضي سكري، بيصنعوها في الغدة البلعومية، وقلت بينتجوا علشان مفيش تخزين، هي بتقف يا باشا تشتغل دلوقتي وتصنَّع دلوقتي وتفرز دلوقتي، بيعملوا العَظمة دي إنهم ياخدوا العسل وحبوب اللقاح ليتم تكريرهم داخل الغدة البلعومية مع خلاصة الخلاصة عندهم وينتجوا لهذه الملكة الأنتيكة هذا الهلام الملكي.
علشان الملكة تتغذى منه وتُغذي صغار يرقات الملكات الإناث أما الذكور اللي بعد كده مبيبقاش وراهم حاجة في الحياة غير التلقيح، لا دول ياكلوا لمدة 3 أيام كفاية عليهم ويبقوا يطفحوا أي حاجة بعدين إن شاء الله وربنا يكرمهم.
لا تنسى زيارة غذاء صحى للمتزوجين لزيادة القدرة
تكوين غذاء ملكات النحل
▪المصدر الطبيعي الوحيد على الأرض للأسيتيل كولين النقي.
▪قليلا من فيتامين ج.
▪ومعاهم 17 حمض أميني 8 منهم أحماض أساسية جسمنا مبيصنعهمش.
▪معادن وإنزيمات وهرمونات زي الفسفور والكالسيوم والحديد والنحاس والسيليكون والكبريت والبوتاسيوم.
▪جميع أنواع فيتامين ب المركب زي حمض البانتوثنيك Pantothenic acid عندك مثلا ب1، ب2، ب5، ب6، ب7، ب8، ب9، ب12
▪مركبات غاية في الأهمية زي الجلوبين جاما gamma globulin واينوزيتزل inositol وأحماض نووية، على شوية مضادات بكتيريا.
▪3٪ مواد غير معروفة وغير قابلة للتحليل، لذلك يطلقون عليه المكون السحري.
كل اللي فوق ده حمادة واستطاعة هذا الهُلام المذهل إنه يشيل الـ LDL الدهون الضارة {كوليسترول} ويجرَّفها من على جدران شرايينك حمادة تاني خالص،
خليني أقول لك إن الصورة اللي انت شايفها دي هي للدهون الضارة العالقة في مواسير الدم اللي بتوصله لكل حتة في جسمك، ولما الدهون الضارة دي بتشغل حيز في الشرايين
▪بتُعيق حركة الدم، وده بيؤثر على انتصابك بالسلب.
▪وبتقلل تدفق الدم، وإمداد جسمك بالأوكسجين بيبقى ضعيف، وتركيزك يبقى أضعف، ونفسيتك تبقى أوحش، ومناعتك تنضرب.
▪وتعمل تصلب في الشرايين على المدى البعيد {اعاذنا الله وإياكم من كل سوء} ▪بتعمل مشاكل في القلب، وتلاقي نفسك بتنهج وانت بتفكر..
معيار جودة غذاء ملكات النحل
علشان النحالين يعرفوا يجمعوا الهلام الملكي Royal jelly الموضوع بيبقى حوار كبير، من نقل لليرقات الصغيرة من أقراصها لكؤوس شمعية بلاستيك
ودرجة حرارة و رطوبة معينة ومصدر ضوئي محدد وليلة كبيرة مش حابين ندخل في تفاصيلها، ده غير التخزين اللي لو مكانش في درجة حرارة -4 الغذاء يصفَر ويفقد خواصه.
عملية محفوفة بالمخاطر وعلى كف عفريت ومحتاجه مؤسسة ضخمة وماكينات وتجهيزات ومختبرات.. وفوق كل ذلك حد يُشرف عليهم ويحدد مقاييس تمنعهم من تقليل الجودة تحت أي ظرف.
وده مش موجود في مصر نهائيا
أنا أُجزم إنك لا تستطيع في مصر الحصول على عسل نحل غير مغشوش، فما بالك بغذاء ملكات النحل.
أنا عايزك تستوعب إن لو النحل متغذي بشكل سيء {وده السائد عندنا} فالعسل اللي النحل هيخلطه بحبوب اللقاح علشان ينتج غذاء الملكات هيبقى مستواه ضعيف، وبالتالي الغذاء نفسه مستواه ضعيف.
طيب لو الجودة عالية بس عملية التجميع نفسها مش دقيقة؟
طيب لو كله كويس بس التخزين سيء؟
طيب ماذا لو خلينا الـ FDA منظمة الغذاء والدواء الأمريكية بذات نفسها
تحط معيار جودة معين لغذاء ملكات النحل، معتمد على التغذية للنحل، والإنتاج، والتخزين، ثم التصنيع.
وما أدراك ما الـ FDA ورخامتهم وفخامتهم، يعني مثلا مشترطين إن الجودة تبقى 100٪ آه والله مش سايبين سرسوب كده ناخد فيه نَفَسنا.
أكيد مستحيل تعرف تقارن بين غذاء ملكات النحل اللي هما مشرفين عليه وأي هبد آخر
ده بالضبط اللي أكبر شركة للمكملات الغذائية بأوروبا Marnys عملته، علشان تُنتح أفضل وأنقى رويال جيلي في العالم، خلت الـ FDA تتابع وتُشرف على الإنتاج
▪نحل متغذي بمقياس جودة 100٪
▪إنتاج هائل خاضع لمختبر ضخم، وتحت إشراف الـ FDA
▪طريقة حفظ مذهلة بالتجفيف بالتجميد ليفولايزيشن lyophilization وباستخدام زيت دوائي، ليسيسين أويل Lecithin بيرفع الاسيتايل كولين، وهو نفسه أصلا مادة فعالة أماينو أسايد متواجد أساسا في أنسجة مخنا، والعصارة، والأوعية، بالتالي لو عندك حساسية زيت صويا فـ انت في الأمان.
طبعا مع كامل احترامي وتقديري لما يتم تصنيعه في مصر فمفيش أي وجه مقارنة، يكفيك بس إنك تعرف إن أشهر شركة بتعمل رويال جيلي في مصر بتصَنَّعه بزيت نخيل، ودي كارثة لوحدها فضلا عن استخدام غذاء ملكات لا يخضع لأي مقاييس جودة.
لذلك أنا لا أنصح بشراء غذاء ملكات النحل من النحالين مع كامل احترامي لهم
ولا من شركات التصنيع في مصر، حتى وإن ارتفع سعر غذاء الملكات الذي تنتجه مارنيز فأنت تضمن جودة حقيقية بمعايير ومقاييس عالمية.
وأنا لا أعرف أجود ولا أنقى ولا أقيم من مارنيز رويال جيلي، وهو ترشيحي لكم وما عهدتم عليَّ أن أرشح ما لا يليق بكم
سعره 450 جنيه للعبوة اللي فيها 30 كبسولة.
طبعا ينفع للسناجل، والمتجوزين، وللرجال، والبنات، ولكبار السن ومفيش قلق منه نهائيا ومفيش موانع استخدام.
