اضرار التجسس على حبيبتك
اضرار التجسس على حبيبتك مقال في غاية الأهمية لانها سبب كبير في خراب العلاقات وعدم استقرارها الانه بطريقة ما مينفعش انك تتجسس على تليفون خطيبتك ولا حتى لما تبقى مراتك، اوعى تتجسس.. التجسس حرام
وبيوصَّلنا لبلاوي سودة بعد كده..
هاديك مثال يا غالي
عندنا في الإسلام .. في حدود، زي حد الزنا مثلا، الحد لا يـُقام إلا أن يُقدَرَ على المذنب..
يقدر عليه يعني يتقفلش متلبس
طيب لما يُقدر عليه خلاص كده؟
لا لازم أربع شهود.. ولو شهدوا إنهم شافوا البطانيه طالعه نازله وشافوا وشها ووشه، تخيل إيه اللي يحصل؟
يتجلدوا كلهم تعزيرا، طيب لو تلاته قالوا شوفناه بنفسه وشفنا الحبر جوه المحبرة، والرابع تردد وأنكر؟
التلاته يتجلدوا تعزيرا علشان خاضوا في عرض الرجل والمرأة
الموضوع كبير كبير كبير
تخيل بقى الموضوع الكبير ده لو مكانوش اتقفشوا؟ ومكانش حد شافهم؟
خلاص، ليهم إنهم يتوبوا من غير إقامة الحد عليهم
وربنا يقبل توبتهم..
بحكيلك الحدوته دي علشان تعرف إن الفيصل فقط هو إن حد شافه
انت متخيل .. التجسس عمل ايه؟
طول ما في حاجة مستورة ملكش دعوة بيها .. سيبها بسترها
ممكن البنت تبقى دخلت من باب الفضول، ممكن تبقى مدمنة لكن بتعافر انها تتوب وتبطل، ممكن وممكن وممكن
- نسبة مشاهدة الاباحية ضخمة جدا جدا،، فمش عايزك تتخض ان اختك او بنتك او خطيبتك او اخوك او ابنك أو ابوك يكونوا بيتفرجوا على إباحية
- عايزك تتعامل بهدوء وصبر واحترام ودين ورجولة
- أرجوك متعرفهاش انك عرفت انها بتشاهد اباحية، ده هيوسع الهوَّة بينكم، وهتحس انها نزلت في عينك، وهتحس انها نزلت في عين نفسها، وهيعمل مشاكل انت وهي في غنى عنها تماما.
- استر الامر
- عالج برجولة
- لا أرى ذلك سببا لفسخ الخطوبة
لإن المرض عُضال ومستشري ومستفحل في كل البيوت
ربنا يعافي عيالنا ويعافينا ويحفظ بيوتنا ونسائنا وذوينا .. آمين آمين آمين
