طرق الوقاية من العقم
طرق الوقاية من العقم من اهم المقالات المؤثرة علي الحياة الزوجية لانه بيساعدك بشكل مباشر علي المحافظة علي حيواناتك المنوية وزيادة نسبة الخصوبة في الجسم فمن خلال موقع شكة دبوس نأتيك بالعلم النافع لك ولزوجتك لكي تنعم بعلاقة زوجية سعيدة مليئلة بالمتعة والدفئ والحميمية لتجعل حياتك الاسرية والاجتماعية اكثر استقرارا.
حتى لا تصاب بالعقم
- لا تحمل اللاب توب على رجلك، حيواناتك المنوية بتتأثر وبتمـوت من الحرارة ومن الـتأثير الفيزيائي لموجات الـ WIFI الإلكترومغناطيسية، لما اتعمل دراسة بتعريض بعض النطاف على WIFI النطاف دي فقدت قدرتها على الحركة واللي نجى منها تعرض لتغيرات جينية مما أدى إلى تكسير الـ DNA وده بيعمل تشوهات للجنين، أو يخرج غير مكتمل، ده لو حصل أصلا تلقيح للبويضة وحمل.
- لا يفضل ركوب درَّاجات بشكل مستمر، لإن ارتفاع درجة حرارة الخصية من الاحتكاك والضغط كفيل يمـوت حيواناتك المنوية، كمان الضغط الحاصل على الخصية قد يسبب متلازمة Névralgie pudendale وده هيعمل لك تنميل في العضو الذكري، ومع الوقت قد يسبب ضعف جنسي، لضعف الاستجابة.
- بعض معاجين الأسنان الي فيها مضادات للبكتريا من العائلة الكريمة دي “تريكلوزان” زي مثلا معجون اسمه “كولجيت توتال Colgate Total” كانت الديلي ميل نشرت دراسة تُثبت إن تأثير التريكلوزان على الخصوبة سيء للغاية، فـ خُد بالك.
- لا تتناول مخدر الحشيش لانه بيكسر الـ DNA بيسبب عقم، ولو حصل حمل بيحصل إجهاض وقد يصاب الجنين بتشوهات وعيوب بسبب فساد الحمض النووي للحيوانات المنوية، كذلك الكوكايين، كذلك الكحوليات، الدراسات جميعها تؤكد التأثير السيء للغاية على الحيوانات المنوية بهذه المكيفات، ومتشتغلش نفسك إن بعض من الناس يتناولة ولم يتأثرويعيش بصحة جيدة ويمارس حياتة بشكل طبيعي.. ده وهم حتى وإن كان خلف، فما من الله عليه قد لا يمُنُ به عليك، والغلط غلط حتى لو حد عمله ونفع معاه…
- التدخين، أقسم بالله ولست حانثًا إن اللي بيدخن عدد حيواناته المنوية أقل من اللي مش بيدخن لو تساويا في القوة الجسدية ووفرة الصحة العامة.
- السِمنة عندها مقدرة مذهلة الحقيقة في إنها تُضعف التستستيرون اللي هو من ضمن أهم شُغله الإنطاف، وده بيُعرِّض الشخص السميـن كما أثبتت الدراسات لقلة إنتاج في العدد. وقد يحول ذلك بينه وبين التخصيب.
- بعض اخواننا من أهل الصنائع والحِرف اللي بيطول فيها التعامل أو التعرض لـ البنزين أو التولوين أو الزيلين أو المبيدات الحشرية أو مواد التبييض، والرصاص كل ده كثرة التعرُض ليه بيدمر الخصوبة.
- اخواننا النجارين واللي شغالين في مصانع الخشب، وبيتعرضوا كتير للفورمالدهيد أو الفورمول، الاتنين بيضروا بالحيوانات المنوية ويؤثروا على الخصوبة، وفي المطلق لو بتتعرض لمواد كيميائية في شغلك، اعرف اسم المواد دي وخد بعضك وروح لطبيب الذكورة اطمن.
- حبايبنا اللي بيحبوا الساونا، أو وهو بيستحمى يسخن الميه أوي ويحط الدش الخصية والقضيب، حضرتك بتعرض الخصية لدرجة حرارة مش مناسبة للحيوانات المنوية اللي جواها، وده بيضرب خصوبة حضرتك بعد شوية وقت.
- متلبسش هدوم داخلية ضيَّقة..
- سيطر على نفسك وبلاش ضغط وتوتر واضطراب وخناقات ملهاش آخر علشان مجرد لخفنة هرمونات حضرتك بسبب الضغط العصبي كفيل يؤثر على إنتاج الحيوانات المنوية عندك، وده طبعا بيقلل الخصوبة.
- أرجوك بلاش هرمونات بتاعت الجيم اللي بتصغر حجم الخصية وبتؤثر على ميكانيكية جسمك اللي ربنا جبله عليها، مما يؤثر بالسلب على هرموناتك وكذلك خصوبتك.
