الحملالعناية الشخصيةالولادة
أخر الأخبار

النفاس بعد الولادة القيصرية

ومدة النفاس بعد الولادة القيصرية وحكم الدين فيها

النفاس بعد الولادة القيصرية

النفاس بعد الولادة القيصرية من اهم المقالات المؤثرة علي الحياة الزوجية  لانه بيساعدك بشكل مباشر علي المحافظة علي نظافة المهبل ومدة النفاس بعد الولادة القيصرية وحكم الدين فيها

مدة النفاس بعد الولادة القيصرية

مدة النفاس بعد الولادة القيصرية في المسيحية

فترة النفاس بعد الولادة القيصرية في المسيحية 40 يوم لو ذكر، 80 يوم لو أنثي، وده بنص سِفر اللاويين الإصحاح 12

مدة النفاس بعد الولادة القيصرية في الدين الاسلامي

في الدين الإسلامي لا يجوز للزوج ممارسة الجنس مع زوجته بعد ولادتها القيصرية حتى ينقطع دم النفاس عنها أو تنقضي 40 يوما.

وفي هنا تفصيلة مهمة جدا للمسلمين

  • لو وقف الدم عن زوجتك بعد 20 يوم بس، يبقى تقدر دلوقتي مجامعتها بعد أن تتطهر، وهي كده بقى عليها صلاة وصوم.
  • لو فضل الدم مكمل بعد الـ 40 يوم اللي هي فترة النفاس، يبقى الزوجة تعتبر ده دم فاسد، وعليها أن تتطهر وتصلي وتصوم، ويجوز ليك مضاجعتها.

لماذا لا يجوز مضاجعة زوجتك في فترة النفاس ؟

  • قلة هرمون الاستروجين وقلة الرغبة الجنسية عند الزوجة.
  • المهبل بيكون جاف تماما بسبب نقص الاستروجين.
  • المهبل في حالة استشفاء من الشد والتمدد.
  • المهبل هيفضل ينزل دم.. وده نفسيا هيقفلها وهيقفلك، آه نسيت أقولك هو هينزل دم وملوش علاقة الولادة كانت طبيعية ولا قيصرية.. وهيبقى محتاج الفترة الطبيعية علشان يرجع لوضعه الطبيعي.
  • المهبل بيكون حسَّاس جدا للعدوى، معندوش مناعة، بكتيريا بقى ماشي فطريات شغال، لو في أي عدوى منتقلة جنسيا مفيش حالة أضعف من كده إنها تنتقل..
  • وبكدا أكيد هتأذي المهبل.. هتسيب ندبات فيه، وده هيُسبب آلام أكثر ما هي بتتألم.
  • في لخبطة هرمونية رهيبة في الفترة دي، فـ المزاج مضروب ومفيش رغبة جنسية، وتحمل أعباء الأمومه هو الغالب.

الخلاصة

حضرتك فجأة بقيت بابا .. أب لشخصين، زوجتك الشخص الأول وابنك التاني، حضرتك مطالب بإنك تكون راجل كويس، تمارس الحنان والعطف والبر والحميمية والرحمة، لا تفكر في نفسك ولا شهوتك..

خد زوجتك في حضنك وطبطب عليها، ومتحاولش تعمل أي حاجة من شأنها يتفهم منها إنك أناني وعايز احتياجك انت وبس

أول ما تبدأ تخف نسبيا، خلي بصاتك ليها كلها شهوة، بدون طلب

يجب ان تعلم ذلك.. علشان في نساء كتير بيجيلك شعور داخلي إنهم معادش فيهم الأنوثة، وبتقل ثقتها بنفسها، فـ لو سمحت خليك محترم وذكي.. وريها إنك بتحبها وشغوف بيها جدا، من غير ما يزعلها طلبك

بالتدريج بقى بتيجي البوسه.. الحضن الشاعري اللطيف

لحد ما ينتهي نزول الدم بتاع فترة النفاس.. وبرده خليك تقيل كده وبلاش أي مخاطرة ولا سربعة.. علشان لا تؤذيها .

ولو سمحت افهم بقى إنك بقيت اب ومسئول وأن ابنك أهم منك وعادي تنام انت علي السلم، فخليك كويس كده ومش عايزين غيرة.. واحتويِ زوجتك علشان المرحلة دي تمر على خير لحد ما ربنا يكرمها وتتعافي من المرحلة دي .

 

اترك تعليقاً

زر الذهاب إلى الأعلى