الغذاءثقافة جنسية
أخر الأخبار

دوالي الخصية

المقال ده هيكون شامل بإذن الله، وفيه إفادة كاملة لكل من خوفته الدوالي أو احتمالية إصابته بيها يوما فمن خلال موقع شكة دبوس سوف تستفيد بكل المعلومات عن دوالي الخصية.

دوالي الخصية (القيلَةَ الدَّوالِيَّة – Varicocele)

الدوالي هي عبارة عن تضخم وريد أو شوية أوردة في كيس الصفن.

لا تنسى زيارة غذاء صحى للمتزوجين لزيادة القدرة

ما هو كيس الصفن ؟

كيس الصفن هو ” المحفظة ” حرفيا هو المحفظة اللي بتحفظ الكُرتين العظيمتين سرُ الحياة حاملتي القذائف المنوية، وبيكون عبارة عن كيس رقيق مقسوم نصين كل بيضه واخده نص.

لا تنسى زيارة غذاء صحى للمتزوجين لزيادة القدرة

معلومات عن دوالي الخصية

▪الإحصائيات بتقول إن 30٪ من مشاكل التخصيب سببها الدوالي

▪الدوالي دي هي أحد أكبر الإسباب المؤدية لانخفاض كمية الحيوانات المنوية، وكمان بتخرب جودتها.

▪كمان الإحصائيات بتقول إن 10٪ من رجال هذا الكوكب عندهم دوالي.

▪وإن 90٪ من حالات الدوالي بتظهر في الخصية الشمال ” علشان كده سموها شمال.

▪الدوالي ممكن جدا تصغر لك حجم الخصية وتقلصها.

▪لو ظهرت الدوالي وقت البلوغ ممكن جدا تؤثر على نمو الخصية الطبيعي.

▪جراحة الدوالي بيتعافى بيها “من ناحية التخصيب” 70٪ من الرجال.

أعراض دوالي الخصية

▪لما تشعر بألم في الخصيتين، أو ألم عند الجلوس، أو لما تعمل مجهود فتحس بألم، بيزيد الألم بالليل، ولو نمت على ظهرك يخف الألم.

▪لما تشعر بثقل في الخصية.

▪لو في مشكلة في الخصوبة، ف أول ما تتوجه أصابع الاتهام بتتوجه للدوالي.

▪لو بتقف كتير بحكم شغلك خدمتك في الجيش أي سبب، اعمل تشيك اب كل ما تقدر علشان تطمن انك بخير.

▪لو حسيت ان في بيضه حجمها مختلف عن التانية.

ماذا يحدث عند تجاهل الم الخصية

أولا احنا مش بنتكلم عن الألم العارض، اللي هو انت حسيته مرتين كده وراح احنا بنتكلم عن ألم مستمر وبيتطور، ساعتها انت حرفيا لازم تتحرك على الطبيب علشان تطمن انت عندك دوالي من الدرجة الكام، أما لو تعرضت لإثارة ومحصلش تفريغ للسائل المنوي ف انت هتحس بألم، وهيتلاشى لوحده عادي..

لما تكبر دماغك اللي بيحصل إن الخصية اللي بتتكون من شوية أنابيب اللي هي بتنتج الخلايا المنوية، بتتضرر، وده بيسبب إنكماش، وده في الغالب بيكون بسبب تراكم الدم في الخصية، والحدوتة دي بتبقى سبب بعد كده لموت الخلايا.

خلايا الخصية بقى درجة الحرارة المظبوطه بتاعتها 35 درجة، علشان كده متدليتين خارج الجسم تحلقان في سرب آخر وحدهما، عندنا من كرم الله وعظيم فضله شبكة أوردة مسؤولة عن تبريد الخصية والحَول دون ارتفاع درجة حرارتها .. دوالي الخصية بقى بتخلي تدفق الدم أبطأ .. فبيحصل تضرر في مركز التبريد، مما يؤثر علي الحيوانات المنوية.

كبر بقى يا باشا دماغك وتحمل إنك لما تروح تشخص بعد كده يبقي فات الأوان للعلاج ومحتاج تدخل جراحي

هل الدكتور بيعرف على طول أول ما يشوفني ولا لازم اتكلف ثمن أشعة؟

الدكتور في حالات كتير بيقدر يشك أو يعرف حتى إذا كنت تعاني من الدوالي ولا لا، بمجرد ما يلمس الخصية بيعرف، ولو الموضوع فيه صعوبة بيطلب منك عملية اسمها مناورة فالسالفا .. اللي هو هيقولك اضغط على بطنك واحزق كإنك هتتغوط ” أعزك الله ” العملية دي بتقلل الإرجاع الوريدي للأوعية وبتخلي لو في دوالي تكبر ويمكن تحسسها. لكن كمان الطبيب في احيان كتير بيطلب عمل دوبلر علشان تبقى الأمور غاية في الوضوح.

علاج دوالي الخصية

لو الموضوع بسيط والدوالي في درجتها الأولى الدكتور بيكتب لك على مسكن للألم وبيطلب منك تلبس هدوم داخليه مش ضيقة علشان ميحصلش احتقان للأوردة

أولا الجراحة

الجراحة أشهر طرق علاج الدوالي، بيتعمل شق في البطن أو الأربية، وبتتم الجراحة بمخدر موضعي او حتى كُلي، والجراحة مفيهاش ألم. ونسبة الشفاء بيها عالية جدا زي ما أوردنا فوق.

وتتم الجراحة، لكن خلاص الطريقة دي عفا عليها الزمن ومضاعفاتها كتير.

ثانيا المنظار

المنظار بيتعمل برده شق صغير وبيدخل منه كاميرا، وشق تاني علشان العدة بتاعت الجراحة

ثالثا العلاج بالأشعة التداخلية

 يتم العلاج بالأشعة التداخلية دون جراحة.. وده من أحدث الأساليب وأهمها .. الوريد بيتحقن بالقسطرة، وتتوصل القسطرة للورية المصاب عن طريق فتحة في الفخذ أو الرقبة أو الذراع، وتتوجه القسطرة بالأشعة، لحد ما يتم غلق الوريد المتسبب في الدوالي، وده بمخدر موضعي مش كلي، وساعة وتقوم زي الحصان تروح بيتكم، وتمارس حياتك بشكل طبيعي، ألطف حاجة في القصة دي إن القسطرة بندخلها من خلال الوريد الرئيسي للجسم

رابعا الوقاية

للأسف ويؤسفني وحقك عليا إني أقولك إن الوقاية هنا زي كثير جدا من الوقاية من الأمراض الجنسية أو الضعف الجنسي العام، بتعتمد على نظام حياة سليمة

أكل صحي وبلاش رمرمة على قد ما تقدر، بلاش ملح في طعامك، بلاش زيوب مهدرجة، بلاش مسبك.

الرياضة

متقعدش كتير ومتقفش كتير ولو مضطر لازم تبدل، يعني تكسر روتين القعدة، وتكسر روتين الوقفة.

بلاش هدوم داخلية ضيقة اوي ويجب ان يكون وزنط مناسب لطولك.

الخلاصة

ثقافة الفحص الطبي  تقريبا منعدمة عندنا كمصريين ، لكن ده شيء مهم للغاية، ياريت من فترة للتانية بقدر استطاعتك تروح تطمن على نفسك، وياريت تتبع تعاليم السلامة الجسدية والنفسية والجنسية على قد ما تقدر، اتمشى كل ما تقدر.. وقف رمرمة على قد ما تقدر، خلي حياتك شكلها سليم هتلاقي حاجات كتير جدا اتحلت لوحدها ” غذاء – رياضة ” حاجتين في غاية الأهمية

وياريت لو شعرت بألم في أي وقت في الخصية وتكرر وتزايد يجب ان تذهب فورا للطبيب.

 ربنا يرفع قدره ويبارك في عمره وعمله، وليس ذلك لمصلحة بيني وبينه علِم الله وشهد، لكني أرى في الرجل ما لا أراه في غيره.

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى